Euskarazko bozgorailu adimenduna

Zer da Mycroft.eus?

Bozgorailu adimenduna

Mycroft.eus proiektuan bozgorailu adimendun bat garatzen ari gara, etxean jarri eta hizketa bidez emandako aginduei erantzuten dieten horietakoa, Google edo Amazon-ek saltzen dituzten horien modukoa, baina haiek ez dituzten hainbat ezaugarri izango dituena.

Euskalduna

Euskalduna izango da Mycroft.eus. Euskarazko aginduak jasoko ditu eta euskaraz erantzungo du. Horretarako Elhuyarren hizketa-ezagutza eta hizketa-sintesiko teknologiak baliatuko dira, bide batez teknologiok hobetuz eta proiektuaren ezaugarrietara egokituz.

Software librekoa

Bozgorailu adimendun euskalduna Mycroft.ai software libreko bozgorailuan oinarrituta dago eta, beraz, bera ere librea izango da.

Pribatutasuna babesten duena

Erraldoi teknologikoen bozgorailuek ez bezala, Mycroft.eus-ek erabiltzaileon pribatutasuna babestuko du, berau garatzen ari garen erakundeon negozioa ez baita jendearen datuekin negozioa egitea.

Genero ikuspegiarekin

Gure bozgorailu adimendunean genero ikuspegia txertatu nahi dugu, ez dadin izan ohiko emakumezko izen eta ahotsa duen zerbitzari esanekoa. Izaera ezberdin edota neutroa eman nahi diogu, Unescoren gomendioei jarraituz, ahal dugun neurrian.

Gurera egokitua

Bertako errealitateari egokitua egongo da, euskal agenteen zerbitzuak eskainiz: euskal musika, euskal komunikabideen albisteak, bertako enpresetako erosketak, euskarazko hiztegi eta itzultzaileak…

Elkarlanean garatua

Mycroft.eus proiektua Elhuyar Fundazioa, Talaios Koop. eta Skura Mobile erakundeek daramate aurrera elkarlanean, bakoitzak bere jakintza eta ezagutza jarrita eta punta-puntako teknologia hau garatzeko norabide berean arituz.

Laguntza publikoak

Mycroft.eus proiektuak hainbat laguntza jaso ditu: Europako Batzordeko European Language Grid proiektuarena, Eusko Jaurlaritzako Ekonomiaren Garapena eta Azpiegiturak Saileko Hazitek programarena eta Gipuzkoako Foru Aldundiko Etorkizuna Eraikiz programarena. Gainera, Errenteriako Udalak Torrekua eraikina utziko du proiektua bertan garatu ahal izateko.

Urtebeteko garapena

Proiektuaren garapena 2020-2021 ikasturtean egingo da, beraz 2021eko udarako amaituta egongo da software garapena. Orduan helduko diogu bozgorailuaren ekoizpen eta banaketa faseari, ziurrenik zailtasun handiagoak izango dituena eta bidelagun berriak beharko dituena.

Mycroft Aurkezpena

gehiago ikusi

Azken berriak

Skill edo trebetasunen garapena

Skill edo gaitasunak bozgorailu adimendunak programatuta dituen trebetasunak dira, egin ditzakeen gauzak finean. Adibidez, trebetasun bat irratiarena izan daiteke. Erabiltzaileak irratia jartzeko agindua ematen dio Mycroft-i eta honek, erabiltzailearen kokapenaren edo...

MetaForum nazioarteko kongresuan poster saio batean aurkeztu dugu Mycroft.eus

MetaForum da Europan hizkuntz-teknologien inguruan antolatzen diren kongresuetan esanguratsuenetako bat. European Language Grid erakundeak antolatzen duenez kongresu hori, 2020ko edizioan euren laguntza-deialdian onartutako proiektu guztiak,...

Jendaurrean aurkeztu dugu Mycroft.eus proiektua (2020-11-26)

Mycroft.eus proiektua euskal jendarteari ezagutarazteko prentsa-oharra zabaldu dugu proiektuaren eragileok. Prentsa-oharraren edukia Talaiosen zein Elhuyarren webguneetan ikus daiteke. Zabalkunde honen bitartez, Mycroft.eus proiektuaren eragileok...

Irakurri gehiago